Այդ մասին հայտնում է Naked Science-ը: Արյունատար անոթներով մարդկային մաշկի բնականին նման նմուշը տպվել է 3D տպիչով Rensselaer (США) Պոլիտեխնիկական ինստիտուտի գիտնականների կողմից: Նոր տեխնոլոգիայի գործուն լինելը նրանք ապացուցեցին` մկների բջիջներից արհեստական մաշկ ստեղծելով: Հյուսվածքի տպման ժամանակ օգտագործվել է մարդու պերիցիտների և էնդոթելիալ բջիջների խառնուրդ, որոնք պատասխանատու են արյունատար անոթների առաջացման համար:
Նմուշի փոխպատվաստումը կենդանուն բարեհաջող ընթացավ: Իմպլանտատը հաստատվեց և տեղի չունեցավ նրա արտամղում:
Փորձի մեջ արժեքավոր դարձավ այն փաստը, որ տպված մաշկի տրանսպլանտատի անոթները բարեհաջող միացան մկան արյունատար համակարգին և սկսեցին իրենց գործունեությունը` սնուցելով տրանսպլանտատի հյուսվածքը:
Ստեղծված մաշկը կարող է օգտագործվել տրանսպլանտոլոգիայում` այրվածքներից կամ որոշ աուտոիմուն հիվանդություններից առաջացած մաշկի դեֆեկտները վերացնելու համար: Բացի այդ, տպված հյուսվածքը, որն իր մեջ ունի ֆունկցիոնալ անոթներ և նյարդային վերջույթներ, կարող է օգնել նյարդային համակարգի վնասումներով հիվանդներին:
Կարևոր է նշել, որ էնդոթելիալ բջիջների աղբյուր են պորտալարային խողովակի անոթները, որոնց օգտագործումը հնարավորություն է` ստանալ հետազոտության նման տպավորիչ արդյունքներ:
Սկզբնաղբյուր. hemafund.com
Սոցցանցերում
