+374 99 28 38 32 info@biostem.am
Գլխավոր »Լուրեր

Գիտնականները պարալիզված առնետներին վերադարձրել են քայլելու հնարավորությունը

2019 Մայ 08, Չորեքշաբթի


Ինչպես գրում է EurekAlert հրատարակչությունը, Իսրայելի տեխնոլոգիական ինստիտուտի գիտնականների խմբին հաջողվել է առաջին անգամ ցողունային բջիջներով թերապիայի օգնությամբ պարալիզված առնետներին վերադարձնել քայլելու հնարավորությունը և սեփական վերջույթներն զգալու ունակությունը: Բացի այդ, այդպիսի բուժումը բերել է վնասված ողնուղեղի վերականգնմանը:
Բացառիկ հետազոտությունը ղեկավարել է դոկտոր Շուլամիտ Լևենբերգը: Փորձի ընթացքում լաբորատոր առնետների խմբի մոտ հատվել է ողնուղեղը, ինչի արդյունքում առնետների վերջույթները պարալիզվել են: Այնուհետև այդ նույն կենդանիներին իմպլանտացվել են մարդկային ցողունային բջիջներ, որոնք ստացվել են բերանի խոռոչի լորձաթաղանթից: Այդ բջիջները հատուկ եղանակով մոդիֆիկացվել են այն բանի համար, որ կարողանան արտադրել նյարդային հյուսվածքի աճման գործոններ:

Բացի այդ, որպեսզի ցողունային բջիջներն ամրանան անհրաժեշտ տեղերում, փորձագետները կրծողների ողնուղեղի համար ստեղծել են եռաչափ կարկաս: Բջիջներն առնետներին ներմուծվել են հավասարաչափ ժամանակային ընդհատումներով` մի քանի շաբաթվա ընթացքում: Ստուգողական խումբն ընտրվել է նույնպիսի ողնուղեղային վնասում ունեցող առնետներից: Բայց այս կենդանիները ստացել են նյարդային հյուսվածքի վերականգնման ավանդական բուժում:

Երեքշաբաթյա փորձարկման արդյունքում ստորին վերջույթների կաթվածով առնետների 42%-ը՝ պահպանելով սեփական քաշը, կարողացել են կրկին քայլել, իսկ 75%-ը՝ բուժմանն արձագանքելու արդյունքում, սկսել են զգալ իրենց թաթերն ու պոչը: Ստուգողական խմբում վերականգնման տոկոսը եղել է աննշան:

Ներկայում Իսրայելի գիտնականները կատարում են հետագա հետազոտություները, որոնք հնարավորություն կտան պարզել այն պատճառը, որը թույլ չի տվել, որ թերապիան դրական ազդի բոլոր կենդանիների վրա:

Հետևեք մեզ

Սոցցանցերում

  Կապ  

Ուղարկել հաղորդագրություն

Կապ մեզ հետ

Օրբելի 22 փող.
Հայաստանի Հանրապետություն, Երևան

+374 99 28 38 32

info@biostem.am