+374 99 28 38 32 info@biostem.am
Գլխավոր »Լուրեր

Ցողունային բջիջներից աճեցրել են ցանցենու նեյրոններ

2019 Հուն 26, Չորեքշաբթի


Ջոնս Հոպկինսի Համալսարանի Բժշկական դպրոցի (Johns Hopkins University School of Medicine) գիտնականների խումբն առաջարկել է մարդու ցողունային բջիջներից ցանցենու նեյրոններ աճեցնելու մեթոդ: Ցանցենու նեյրոններն անհրաժեշտ են տեսողական գրգիռները գլխուղեղ փոխանցելու համար, իսկ նրանց վնասումը կարող է առաջացնել տեսողության կորուստ:

Գիտնականներն օգտվել են CRISPR-Cas9 գենի խմբագրման համակարգով, որը թույլ է տվել ցողունային բջիջների գենի մեջ ներդնել ԴՆԹ, որը պատասխանատու է կարմիր ֆլյուորեսցիվացնող սպիտակուցի էքսպրեսիայի համար: Դա հնարավորություն տվեց հետևել ցողունային բջիջների տարբերակմանը` ցանցենու նեյրոններում:

Հեղինակներին հաջողվեց առանձնացնել բջիջների պոպուլյացիա` կազմված միայն ֆլյուորէսցիվացնող սպիտակուց կրող նեյրոններից: Նրանք ցույց տվեցին, որ այդ բջիջները ֆունկցիայով ոչնչով չեն տարբերվել օրգանիզմում առկա ցանցենու նեյրոններից:

Դոնալդ Զակը բացատրել է, որ իրենց կողմից մշակված մեթոդը թույլ կտա արդյունավետորեն թեստավորել նոր պատրաստուկները, որոնք կհակադրվեն կուրության զարգացմանը: Հեղինակները նաև հույս ունեն, որ շուտով հնարավոր կդառնա աճեցվված բջիջների պատվաստումը, ինչը կօգնի վերականգնել տեսողությունը գլաուկոմայով կամ ցրված սկլերոզով պացիենտների մոտ:

Սկզբնաղբյուր` medportal.ru

Հետևեք մեզ

Սոցցանցերում

  Կապ  

Ուղարկել հաղորդագրություն

Կապ մեզ հետ

Օրբելի 22 փող.
Հայաստանի Հանրապետություն, Երևան

+374 99 28 38 32

info@biostem.am