+374 91 28 38 32 info@biostem.am
Գլխավոր »Լուրեր

Հետազոտությունները ցույց են տվել, որ սովի ժամանակ ցողունային բջիջները վերականգնվում են

2018 Դեկ 17, Երկուշաբթի


Պարզվում է, որ մեկօրյա քաղցը նպաստում է ցողունային բջիջների վերականգնմանը: Այդ եզրահանգմանն են եկել ԱՄՆ գիտնականները՝ ծեր և երիտասարդ մկների վրա կատարված փորձերի ընթացքում: Սոված կրծողների մոտ բջիջներն սկսել են գլյուկոզայի փոխարեն քայքայել ճարպաթթուները: Դրա շնորհիվ լավացել է աղիների ցողունային բջիջների վերականգնողական ունակությունը. Գրում է The Deccan Chronicle-ը:

Բացի այդ, մասնագետները վերականգնումը դրդել են այն մոլեկուլի օգնությամբ, որը քաղցին համարժեք ակտիվացնում է նույն մետաբոլիկ ուղին: Նման մեթոդը կարող է օգնել ստամոքս-աղիքային համակարգի ինֆեկցիոն հիվանդություններով տառապող, քիմիաթերապիա ստացող քաղցկեղով հիվանդ մարդկանց:

Աղիների ցողունային բջիջները պատասխանատու են լորձաթաղանթի նորմալ վիճակի համար, որը, սովորաբար, նորանում-վերականգնվում է 5 օրը մեկ: Վնասվածքների և ինֆեկցիաների ժամանակ ախտաբանությունը վերականգնելու գործընթացում ցողունային բջիջները հսկայական դեր ունեն: Ծերացման ընթացքում աղիներում ցողունային բջիջների վերականգնողական ունակությունը նվազում է: Այդ պատճառով վերականգնումն ավելի շատ ժամանակ է պահանջում:

Փորձի ժամանակ փորձարարական մկներին սոված են պահել 24 ժամ: Հետո մասնագետներն ուսումնասիրել են նրանց աղիների ցողունային բջիջները: Գիտնականները պարզել են, որ քաղցի շնորհիվ աղիների ցողունային բջիջների վերականգնողական ունակությունը բարձրացել է 2 անգամ: Սովի պատճառով սկսվել է ճարպաթթուների մետաբոլիզմ, որն ակտիվացրել է PPAR (տրանսկրիպցիայի գործոններ) ռեցեպտորները: Երբ այս մեխանիզմը արգելակել են, սովը չի օգնել ցողունային բջիջներին վերականգնվել:

Սկզնաղբյուր. meddaily.ru

 

Հետևեք մեզ

Սոցցանցերում

  Կապ  

Ուղարկել հաղորդագրություն

Կապ մեզ հետ

Օրբելի 22 փող.
Հայաստանի Հանրապետություն, Երևան

+374 91 28 38 32

info@biostem.am